«Манчестер Юнайтед» Майкл Кэррикпен келісімге келді, деп хабарлайды Yersport.kz сайты.
44 жастағы Майкл Кэррик «Манчестер Юнайтедтің» бас бапкерінің міндетін атқарушысы болады. The Athletic мәліметінше, клуб маманмен осы маусымның соңына дейін қызмет ету жөнінде принципті келісімге қол жеткізген. Қазір тараптарға келісімшарттың соңғы детальдарын нақтылау ғана қалды.
Егер бәрі жоспарға сай өтсе, Кэррик командаға 17 қаңтарда өтетін «Манчестер Ситиге» қарсы матчта жетекшілік етеді.
Қазіргі таңда «Манчестер Юнайтед» АПЛ турнир кестесінде 21 турдан кейін 32 ұпаймен 7-орында тұр. Рубен Аморим қызметінен кеткен соң команданы екі матч бойы Даррен Флетчер басқарған еді.