УЕФА Ұлттар лигасының келесі маусымына арналған жеребе 2026 жылдың 12 ақпанында Бельгияның Брюссель қаласында өтеді. Осы күні Қазақстан ұлттық құрамасының да топтағы қарсыластары анықталады.
Өткен маусымда B дивизионында сәтсіз өнер көрсеткен Қазақстан құрамасы араға төрт жыл салып C дивизионына қайта оралды. Қазіргі таңда ұлттық команда бірінші себетке орналасқан, сондықтан Исландия, Албания және Черногория құрамаларымен бір топқа түспейді.
C дивизионындағы себеттер:
1-себет: Исландия, Албания, Черногория, Қазақстан
2-себет: Финляндия, Словакия, Болгария, Армения
3-себет: Беларусь, Фарер аралдары, Кипр, Эстония
4-себет: Латвия/Гибралтар, Люксембург/Мальта, Молдова, Сан-Марино
Айта кетейік, өткен маусымда B және C дивизиондарында қауіпті аймақта қалған құрамалар өтпелі кезең матчтарын 2026 жылдың 26 және 31 наурызында өткізеді.