«Каспий» футбол клубы Қазақстан U-21 жастар құрамасының және «Ақтөбе» футбол клубының жартылай қорғаушысы Дархан Бердібекті КПЛ-2026 маусымының соңына дейін жалға алғанын ресми түрде жариялады, деп хабарлайды Yersport.kz клубтың баспасөз қызметіне сілтеме жасап.
«Ресми: Дархан Бердібек маусым соңына дейін бізбен бірге!
Екі клуб арасындағы келісімге сәйкес, 21 жастағы жартылай қорғаушы осы маусымда „Каспий“ сапында жалға ойнайды.
Туған күні: 31 мамыр 2004 жыл
Ойындағы орны: жартылай қорғаушы
Бойы: 185 см», — делінген команданың Instagram парақшасында.
Дархан Бердібек — «Каспий» клубының түлегі. 2024 жылы ол «Ақтөбенің» жастар командасында ойнай бастады. Сондай-ақ 2025 жылы бес ай бойы елордалық «Жеңіс» сапында өнер көрсетті. Өткен ҚПЛ маусымында Бердібек 16 матчқа қатысып, екі гол соқты. Қазақстанның U-21 жастар құрамасы үшін екі ойын өткізген.
Transfermarkt порталы футболшының трансферлік құнын 75 мың еуроға бағалайды.
Еске салайық, «Каспий» өткен маусымда Бірінші лиганың чемпионы атанып, жаңа маусымда ҚПЛ-де өнер көрсетеді.