«Наполи» Италия Суперкубогының алғашқы финалисі атанды, деп хабарлайды Yersport.kz сайты. Антонио Конте жаттықтыратын команда Сауд Арабиясында өтіп жатқан турнирдің жартылай финалында «Миланды» 2:0 есебімен жеңді.
Матчтың алғашқы таймында есепті Давид Нерес ашса, үзілістен кейін Расмус Хейлунд кездесудегі соңғы нүктені қойды. Осылайша, неапольдықтар финалға сенімді түрде жолдама алды.
Шешуші матчта «Наполи» «Интер» – «Болонья» жұбының жеңімпазымен кездеседі. Бұл жартылай финалдық ойын 19 желтоқсанда өтеді.
Айта кетейік, Италия Суперкубогының финалы 22 желтоқсанға жоспарланған. Турнир Сауд Арабиясында осымен үшінші жыл қатарынан ұйымдастырылып отыр.