6–12 сәуір аралығында Астанадағы Барыс Арена кешенінде әйелдер арасындағы Ұлттық лига чемпионатының плей-офф кезеңі ұйымдастырылады, деп хабарлайды Yersport.kz сайты.
Ел чемпиондығы үшін Қазақстанның ең мықты төрт клубы таласқа түседі: талдықорғандық «Жетісу», петропавлдық «Қуаныш», өскемендік «Берел» және түркістандық «Тұран».
Жарыс аясында екі жартылай финал сериясы (екі жеңіске дейін) өтеді:
– «Жетісу» – «Тұран»
– «Қуаныш» – «Берел»
Сондай-ақ финал мен үшінші орын үшін матчтар да екі жеңіске дейін жалғасады.
Айта кетейік, Қазақстан волейболы тарихында тұңғыш рет шешуші ойындар елорданың басты мұз аренасында өтпек. Барлық матчтарға кіру тегін болады.