«Арсеналдың» жартылай қорғаушысы Микель Мерино АПЛ-дің 19-туры аясында «Астон Виллаға» қарсы өткен матчта алаңнан қуылудан аман қалды.
Қосылған бірінші тайм уақытында 29 жастағы испаниялық хавбек Амаду Онанаға қарсы дөрекі ойнағаны үшін сары қағаз алған болатын. Айта кетейік, Онана үзілістен кейін алаңға қайта шықпады.
Алайда 58-минутта Мерино өзінен қашып бара жатқан Морган Роджерстің қолынан ұстап, оны газонға құлатты. Соған қарамастан, матч төрешісі Даррен Инглэнд Микель Мериноға екінші сары қағаз көрсетпей, оны алаңда қалдырды.