«Манчестер Юнайтед» клубының бас бапкері Рубен Аморим команданың трансферлік саясатындағы ұстанымын түсіндірді, деп хабарлайды Yersport.kz сайты.
— Біздің құрамды толықтыруға мүмкіндік бар, бірақ клуб үшін нақты жоспардың болуы өте маңызды. Біз өзіміз жақсы білетін, сенім арта алатын ойыншыларды ғана шақыруымыз керек.
Барлығы сәтті болатынын алдын ала айту қиын, дегенмен біз тартатын футболшыларға толық сенімді болуымыз қажет. Егер күмән туса, ешкімді алмастан, қолымыздағы ойыншылармен жұмыс істей берген дұрыс. Мен үшін бұл анық нәрсе.
Біз өткендегі қателіктерді қайталай алмаймыз. Бұл кезеңнен өтуіміз керек, себебі бізге ұлттық құрамалардан және Еуропадан ойыншылар келеді.
Менің ойымша, ішкі түйсігім жақсы дамыған. Сондықтан жеке сөйлесу кезінде ішкі сезімім дұрыс емес деп сигнал берсе, біз ондай ойыншыны алмаймыз. Көп жағдайда менің түйсігім алдамайды.
Мен ойыншыға жай ғана қараймын — кейде оның сөйлеу мәнерінен-ақ бос сөз айтып тұрғанын түсінемін, — деді Аморим Sky Sports-ке берген сұхбатында.