«Трактор» клубының қорғаушысы Григорий Дронов осы маусымда екінші рет 20 минуттық айыппұлмен жазаланды, деп хабарлайды Yersport.kz сайты.
Хоккейші FONBET КХЛ чемпионаты аясында өткен «Барысқа» қарсы матчтың (2:0) аяқталуына аз қалғанда спорттық емес мінез-құлқы үшін жаза алды.
Бұған дейін, қазан айында Дронов «Автомобилистке» қарсы ойында төрешіні итеріп жібергені үшін осындай айыппұл алған болатын. Сол кезде ол матчтың соңына дейін алаңнан қуылып, кейіннен бес ойынға дисквалификацияланған еді.