«Әл-Наср» клубы мен Португалия ұлттық құрамасының шабуылшысы Криштиану Роналду Globe Soccer Awards марапаттау рәсімінде мансабында 1000 гол соғуды мақсат етіп отырғанын мәлімдеді.
Кеше дубль жасап, голдар санын 956-ға жеткізген португалиялық футболшы үшінші жыл қатарынан Таяу Шығыстағы жылдың үздік ойыншысы атанды.
— Бұл — менің ең сүйікті салтанаттарымның бірі. Себебі мұнда көптеген керемет адамдарды көремін, әсіресе әрдайым қолдау білдіретін жұбайым Джорджина Родригесті, балаларымды, ата-анамды және командаластарымды.
Ойнауды жалғастыру оңай емес, бірақ құштарлық бәрінен басым. Мен әлі де өте мотивациялымын, сол себепті әлі алаңдамын. Маған әрдайым ойнау, гол соғу, трофейлер ұту ұнайды. Осы қарқынмен жалғастырғым келеді.
Сіздер менің мақсатымды білесіздер. Мен мүмкіндігінше көп трофей ұтып, бәріңізге белгілі сол көрсеткішке жеткім келеді. Мен оған міндетті түрде жетемін… Егер жарақат болмаса, иншааллах (Алланың қалауымен). Жаңа жылдарыңызбен! — деді Роналду.