Беларусь теннисшісі тағы да Нью-Йоркті бағындырды! Арина Соболенко АҚШ-тың ашық чемпионаты финалында жергілікті Аманда Анисимованы айқын ойынмен тізе бүктіріп, мансабындағы екінші мәрте US Open кубогын көтерді.
Алғашқы сеттен-ақ Соболенко қарсыласын қысымға алды. Қарқыны мен дәлдігі арқасында бірінші сетті сенімді түрде жапты (6:3). Екінші сетте Анисимова барын салып, жанкүйерлердің қолдауымен ойынды теңестіре алды. Тай-брейкке дейін созылған сет шешуші сәтте Соболенконың мықты мінезін көрсетті. Белорус теннисшісі қателеспей, жеңісті жұлып алды (7:6)
Жартылай финалда да Арина чемпионға тән табандылық танытқан еді: Джессика Пегуладан алғашқы сетте ұтылғанына қарамастан, кейін қайта күш жинап, сенімді жеңіске жетіп, финалға жол ашқан болатын.
Осылайша, Соболенко Нью-Йоркте қатарынан екінші рет «Үлкен дулыға» трофейін иеленіп, қазіргі әйелдер теннисіндегі көшбасшылық орнын бекемдей түсті.