«Арсенал» шабуылшысы Букайо Сака Англия чемпионатында «Манчестер Юнайтедтен» (2:3) жеңілгеніне көңілі толмайтынын білдірді, алайда Чемпиондар лигасындағы «Қайратқа» қарсы ойында командасының сәтті өнер көрсететініне сенім білдірді, деп хабарлайды Yersport.kz.
— Матч бойы өз деңгейімізді толық көрсете алмадық деп ойлаймын, бұл қынжылтады — ойын өте маңызды болды, көп нәрсе таразыға түсті. Футболда сен гол соғуың да, өткізіп алуың да мүмкін — бәрін одан кейінгі реакцияң шешеді. Әрине, есепті 2:0-ге жеткізгіміз келді, бірақ олай болмады. Жалпы алғанда, өз ойынымызға көңіліміз толмайды. Мұндай жеңілісті қабылдау қиын, бірақ біз бірлігімізді сақтауымыз керек. Келесі аптада алаңға қайта шығамыз және жеңісті жолға оралуға тырысамыз. Сәрсенбі кешінде бізді келесі сынақ күтіп тұр — «Эмирейтс» стадионында «Қайратқа» қарсы ойында Чемпиондар лигасының жалпы кезеңінде сегіз ойынның сегізінде де жеңіске жетуді көздейміз. Жол әрдайым тегіс бола бермейді — өрлеу де, құлдырау да болады. Келесі аптада мінез көрсете аламыз ба — бәрі өз қолымызда. Жоспар осындай. Қазір біз тек осыған ғана назар аударып отырмыз, — деді Сака.
Еске сала кетейік, Чемпиондар лигасының жалпы кезеңіндегі 8-тур ойыны «Арсенал» — «Қайрат» кездесуі 28 қаңтардан 29 қаңтарға қараған түні Лондонда өтеді.