Бұған дейін 2026 жылдың наурыз айында 66 келі салмақ дәрежесінде чемпиондық жекпе-жекке үміткерлер — Лерон Мерфи мен Мовсар Евлоев өзара айқасуы мүмкін деген сыбыс шыққан еді.
Осыған байланысты Алджамейн Стерлинг мәлімдеме жасады:
— Лерон, мен сенімен ақпанда да, наурызда да төбелесуге дайынмын. Тіпті сенің туған еліңде кездесуге де қарсы емеспін. Яир Родригес, мен де дайынмын. Евлоев, мен сенімен алғашқы жекпе-жекте жеңіске жеттім. Кез келгендеріңмен шығуға әзірмін, лузерлер. Дэйна Уайтқа айтыңдар, мына ақымақтарды қозғап қойсын. Ақ үйде масқара болғыларың келсе — оны да ұйымдастырып бере аламын. Мен 36 жастамын, жасарып жатқан жоқпын. Келіңдер, біраз ақша табайық, — деді Стерлинг Home of Fight басылымына берген сұхбатында.
Айта кетейік, Мовсар Евлоев UFC-де соңғы рет 2024 жылдың желтоқсанында өнер көрсетті. Ол кезде UFC 310 турнирінде Алджамейн Стерлингті төрешілердің бірауыздан шығарған шешімімен жеңген болатын.