Украиналық қорғаушы Артем Шабанов «Ақтөбе» клубының шорт-парағына енді, деп хабарлайды Yersport.kz сайты ASnews.kz-ке сілтеме жасап.
Тізімге бірнеше танымал украиналық футболшылар да кірген, олардың қатарында Тарас Качараба, Никита Бурда және басқа да ойыншылар бар.
Айта кетейік, Шабанов бұған дейін Киевтің «Динамосы», Польшаның «Легиясы», Венгрияның «Фехервар» клубы секілді командалардың намысын қорғаған. Ол Украина ұлттық құрамасында екі матч өткізген.