7 желтоқсан таңында өтуі тиіс Жәнібек Әлімханұлы – Эрисланди Лара арасындағы титулдық жекпе-жек үлкен қауіпке тірелді.
Бокс әлеміндегі беделді инсайдер Майк Коппингердің хабарлауынша, Жәнібектен алынған допинг-тест World Anti-Doping Agency (WADA) тексерісінде позитивті нәтиже көрсеткен.
Қазіргі уақытта Әлімханұлының организмінен қандай тыйым салынған зат табылғаны жария етілген жоқ. Бірақ бұл жағдай орта салмақтағы белбеулерді біріктіру жекпе-жегінің тағдырына тікелей әсер етуі мүмкін.
Лараның жағдайы басқаша: егер кездесу ресми түрде тоқтатылса, ол WBA титулын басқа қарсыласқа қарсы қорғауға мүмкіндік алады. Ал Жәнібек үшін бұл даулы жағдай мансабына кері әсер етуі мүмкін.