«Қайрат» клубының ойыншылары Александр Мартынович пен Валерий Громыко команданың еурокубоктағы жетістігі және Чемпиондар лигасының негізгі кезеңіне шығуы жайында пікір білдірді.
Беларусь ойыншыларының айтуынша, маусым басталар алдында клуб басшылығы олардың алдына нақты міндет қойған.
Конференция лигасының топтық кезеңіне шығу — «міндетті жоспар», ал басты мақсат — Еуропа лигасы немесе одан да биік белестер болған.
Маусым алдында клуб президенті бізге Конференция лигасына шығуды жетістік деп есептемейтінін, ол үшін ешқандай сыйақы қарастырылмайтынын айтты. Яғни ол кезеңге біз кез келген жағдайда өтуге тиіспіз. Басшылықтың негізгі ойы сол болды. Демек, біздің ең төменгі межеміз — Еуропа лигасы еді.