Каталониялық Catalunya Radio хабарлауынша, «Барселона» шабуылшысы Роберт Левандовски «Сельта Вигоға» қарсы матчта алған жарақатынан кейін қатардан бірнеше аптаға шығып қалуы мүмкін.
Алғашқы тексерулер жарақаттың күрделі екенін көрсетті, ол қатардан кемінде 2-3 аптаға шығып қалды. Осыған байланысты поляк шабуылшысы «Реал Мадридке» қарсы екі Эль-Класико мен Чемпиондар лигасындағы «Интер» клубына қарсы екі кездесуге қатыспауы ықтимал. Бұл — маусым тағдырын шешетін маңызды кезеңде каталондықтар үшін ауыр соққы болмақ.
Левандовски соңғы матчтарда жақсы формада болып, команда шабуылын сүйреп жүрген негізгі ойыншылардың бірі еді. Оның жоқтығы шабуыл шебіндегі тиімділікке, әсіресе еурокубоктарда нәтижеге тікелей әсер етуі мүмкін.