ЦСКА клубының тәрбиеленушісі Лайонел Адамс Мәскеу облысында болған жанжал кезінде жарақат алды. Legalbet мәліметінше, футболшыға травматикалық тапаншадан алты рет оқ атылып, оның бесеуі арқасы мен аяқтарына тиген.
Оқиға 27 желтоқсанда Звенигород қаласындағы түнгі клубта болған жанжал барысында тіркелген. Адамс оқ жарақатынан бөлек, ернінен жыртылған жарақат алған. Оқиғадан кейін футболшы ауруханаға жеткізілді. Дереккөздің хабарлауынша, бірнеше төбелеске қатысқан ойыншы полицияға арыз жазудан бас тартқан.
Атылған оқтардың іздері футболшының жауырыны маңындағы арқасында және сан тұсында анық байқалады.
Айта кетейік, 2024 жылы Лайонел Адамс Қарағандының «Шахтер» клубында өнер көрсетті. Қазіргі таңда ол еркін агент мәртебесінде.