«Ньюкасл» клубының қорғаушысы Дэн Берн «Ливерпульге» деген көзқарасын ашық айтып, мерсисайдтықтарға қарсы сезімі 1990-жылдардан бері қалыптасқанын мәлімдеді, деп хабарлайды Yersport.kz сайты.
Берн бұл туралы өткен оқиғаларды еске ала отырып айтты:
«Мен „Ливерпульді“ 90-жылдардан бері жек көремін. 1996 жылы „Энфилдте“ Кевин Киганның басын салбыратып тұрғанын көрген сәттен бастап. Ол кезде „Ньюкасл“ қонақта 3:4 есебімен жеңіліп, 92-минутта шешуші гол жіберген еді», — деді қорғаушы.
Оның айтуынша, екі клуб арасындағы қарым-қатынаста құрмет те, бәсекелестік те бар:
«„Ньюкаслдың“ жанкүйері ретінде мен оларды тек құрметтеп қана қоймаймын. Біз – жұмысшы табының қалалары, ұқсастығымыз көп. Бірақ олар мықты команда болғандықтан, белгілі бір деңгейде жеккөрушілік те бар. Олар үнемі жеңеді», — деп қосты Берн.
Сонымен қатар, ол Лига кубогының 2025 жылғы финалындағы матчты да атап өтті. Ол ойында «Ньюкасл» «Ливерпульді» 2:1 есебімен жеңген болатын:
«Олар сол матчта керемет ойнады, мойындау керек. Ван Дейк келіп, бізді құттықтады. Барлығы өзін лайықты ұстады. Мүмкін, сол күні олардың жеңілетінін іштей сезген де шығар», — деді футболшы.
Берннің пікірінше, жаздағы оқиғалар, соның ішінде Александр Исактың «Ньюкаслдан» «Ливерпульге» ауысуы, екі клуб арасындағы бәсекені одан әрі күшейтті:
«Жанкүйерлер тұрғысынан алғанда, біздің арамызда бірдеңе бар екені анық сезіледі. Сондықтан мен оларды бір күні Премьер-лигада жеңгім келеді», — деп түйіндеді ол.